相信住係屯門元朗既朋友,平時夜返屋企都要搭亡命小巴返去。

搭親呢架小巴都係九個字到一個鐘到返到屯門(唔計等齊客)咁我都唔係第一次搭啦~但個次搭左成個半鐘!

個次搭小巴車程途中,呢個光頭呀叔司機一直恰眼訓,試過成條路一直揸20到35,chok黎chok去係咁釣魚,個軚係咁左右fing,我覺得非常之危險。

我見咁既情況,忍唔住開口小左佢兩句⋯⋯佢竟然無反應!佢係醒一醒之後再繼續恰眼訓⋯⋯

我都明揸車好攰仲要半夜開工,但作為一個司機應該要有返D責任囉!你返Sales返化妝返倉返炒散「蛇王」就話無所謂,但成車人生命係你手上,真係唔蛇得囉!

我已經唔係第一次坐佢車~第一次有個哥哥仔專登坐去前面成程車一直小爆佢,今次我做小勇士,有幸坐頭位影佢相。

不過佢係無證件所以我亦都無方法可以投訴佢,唯有擺佢上網!(有冇計釘佢牌?)

希望大家下次有機會坐佢車,一定要係咁同佢講野,又或者屌撚醒佢啦!