新學期開始咗,岩岩入到大學希望可以識到D⋯⋯幻想總喺美好,可惜現實永遠殘酷!隔離個同學仔⋯⋯偏偏係個「毒撚」⋯⋯

外貌唔太討好,頭髮油笠笠又毒;性格又唔識同人地溝通,再加上同人地喜好、興趣、思想都與別不同,所以好多時都會畀人叫「毒撚」。正所謂Your Face Your Fate⋯⋯生成「毒撚樣」我都唔想!
自中學開始每次開學都畀人杯葛,我都有認認真真反省過⋯⋯到底係我問題?定係人地問題?

最後我發現⋯⋯原來喺世界嘅問題⋯⋯

人係群體生活嘅動物,當一個人做嘅野迎合唔到大眾口味,就融入唔到呢個宇宙呢個地球呢個社會⋯⋯
所以佢就會被人叫做毒撚!無人了解呢一班人嘅感受,亦都無人想去了解呢一班人,更加無人會有興趣去了解呢一班人⋯⋯

鍾意動漫無錯,鍾意cosplay無錯,鍾意畫動漫都無錯,鍾意自己一個人更加無錯!但做毒撚唔係罪!

不過呢個社會上要嘅唔係堅持自己嘅人,唔係要好人;社會上係要一個識得投機嘅人,人地做咩佢就做咩,最緊要唔好離群!失去自己唔緊要,最重要係融入到朋友圈!

Source: lihkg, Youtube