超強颱風「山竹」吹襲後,香港多處損毀,周圍都滿目瘡痍。塌樹、玻璃碎一地都係,交通大混亂,大家都好嬲⋯⋯大家嬲嘅唔係九巴、唔係港鐵,而係呢個政府 。

話說特首林鄭月娥今朝出席行政會議前表示,咁大風下香港能夠保持基本穩妥,好快就會恢復,仲講咗句「我會繼續形容為安然度過」,話有啲運氣咁喎⋯⋯

係囉!香港真係福地嚟架啫!竟然咁好運氣仲有一條路軌服務東鐵沿線嘅朋友仔!

地球人已無法阻止香港人返工。有網民上載這張「絕望返工相」,被網友廣傳及改圖。(Facebook「Tai Po 大埔」群組圖片)

真係安然度過, 冧哂啲樹之嘛⋯⋯

佢又特別提到,今次事件中「令人比較安慰」嘅係高鐵香港段同埋港珠澳大橋大體安然無恙,

Image result for 高鐵香港段 山竹

Image result for 香港港珠澳大橋 山竹

「呢兩個重大基建,今次受到超強颱風考驗,大體上安然無恙,當然有啲滲水、告示牌受損,但從基建角度,係經得起呢個考驗,好安全,俾咗我們好大安慰」。

不過,高鐵香港段建造費八百億,而港珠澳大橋建造費就過千億,唔係諗住俾颱風吹襲就玩完嘛?

有巴打提出質疑:

 

其實,你起條橋已經係咁俾人鬧,仲要打完風,成個香港咁混亂,你都係到關心條橋⋯⋯

咁就真係抵你民望低囉!