日前內地傳媒報道,一名廿多歲姓周男子月初到台州路橋恩澤醫院求診,原因係「淘寶上購買DIY割包皮器,如果自己傷了「小雞雞」,流血又流膿。」醫院泌尿外科醫生知道咗當堂嚇一跳,直言:「第一次見到有人敢對自己子孫根落手!」好在小周及時到院就醫,如果再拖幾日⋯⋯


原來,係因為周男有次同朋友傾計,朋友A講起自己啱啱做完包皮環切手術,仲同大家分享何謂包皮過長。事後周男返到屋企拎把尺出黎度一度,「咦!唔對路wor!」經過精密嘅量度之下,發現自己原來都係「過長一族」⋯⋯翌日一訓醒就狗衝去醫院求醫啦,點知手術要成1000蚊人仔。


周男認為價錢都真係有D貴,而且醫生提過做手術個陣時會用到「包皮環切器」⋯⋯靈機一觸佢就上淘寶搵資料。果然,萬能既網絡沒令佢失望!周男見到有好多人賣呢D一次性包皮環切器, 心諗「唔通好多人都自己包皮自己割?」

於是係淘寶用咗
300幾蚊人仔,等咗兩天,就到貨!仲快過去醫院排期啊~估唔到呢個「包皮環切器」都幾高質,內有圖文說明「簡單操作,包學包會」。


收到貨,周男馬上忍痛果斷咁同過長包皮「一刀兩斷」⋯⋯點知呢一刀差D就毀左一生,本身諗住條丁丁割完終於靚靚仔仔,點知當晚個傷口開始腫脹,仲不斷滲血⋯⋯佢曾經致電畀網店查詢,而賣家就話「疼痛屬正常情況,只要吃止痛片和消炎藥就可以了。」咁點解買個陣唔包埋止痛同消炎藥既?

   

周男好堅強咁死撐咗幾天,但見情況愈來愈嚴重⋯⋯傷口滲咗大量青紫色瘀血,當中仲夾雜膿液,痛到連褲都幾乎著唔到!逼於無奈之下,佢放低男性驕傲,先趕緊去醫院求救。


好彩⋯⋯最後檢查完,證實周男情況唔算嚴重,只係傷口感染同滲血,不過如果唔小心傷到大血管同神經,後果就相當嚴重。


Anyway,有專家提醒大家,其實並非所有包皮過長人士都要做手術;其實只要無影響陰莖功能,就唔洗割!同埋,就算你要割,都係老老實實搵個醫生幫你!「患者一定要到正規醫院就診,千萬不要模仿網絡自己手術。手術畢竟是一門精細技術,哪有那麼容易操作的?」