出咗黎做野,可能會見多咗好多人,可能係同事、工作伙伴、客⋯⋯

以前返學從未接觸過嘅人,都可以見識到,簡直大開眼界!

但係,長大後認識嘅人,同以前細嗰識到嘅人真係好唔同⋯⋯

以前,同啱傾嘅人好自然會成為朋友,嘻嘻哈哈又一日,男嘅去下球場打下波,就會friend 過打band;

女嘅去下行街shopping, 就已經可以攬頭攬頸。

而家識嘅人,唔再係咁簡單,大家對人有所防備,未必會再好似以前咁交個心出黎。

即使你日日都對住呢啲人,都未必會了解佢哋真正係個點嘅人⋯⋯

識個人都咁樣,更唔好講話伴侶啦!有絲打就係到呻, 話人越大越難識到好男仔。

男仔大咗,見識多咗,自然識玩咗。絲打識呢個男仔同佢關係好,但無人知道究竟呢個男仔背後究竟同幾多個女仔關係都咁好。

叫你等,姐係佢仲揀緊有無更好嘅選擇,係鍾意嘅,女仔開到聲,𦧲飯應啦!

 

 

 

好仔實有架!不過⋯⋯

Image result for 陳家樂

 

好仔都係人,你揀人,人揀你。有巴打就講出港女嘅可能死因。

睇黎呢兩位巴打都俾港女傷害得好深啊!

 

 

仲有巴打列出港女嘅六個時期,分析港女每個時期嘅轉變,從而推敲港女搵唔到好男仔嘅原因。

Image result for 唐詩詠

有人話港女歧視毒男,搵唔到好男仔抵死啦!不過,好唔好仔呢啲無樣睇嘅⋯⋯

唔通靚仔就等於玩家,毒男就等於好仔咩?

 

好仔難求,好女仔亦然⋯⋯

 

 

正如一開始所講,人大咗識嘅人,就算成日見都唔代表你好了解佢。

 

你睇佢個樣好似好乖仔咁喎,點知原來佢成日去蒲;

你以為佢咁毒一定溝唔到女啦,點知佢一腳踏兩船;

佢個樣咁靚,一定好多仔溝啦,點知佢日日都係宅係屋企唔點社交;

佢個樣咁普通,點知佢原來有個靚仔男朋友同佢拍咗好多年拖⋯⋯

 

以上咁多例子,其實筆者想講嘅係,

人大咗,係需要多啲時間去了解自己認識嘅人。

人不可貌相,無話識啲咩人就會保證得到份細水長流嘅愛情。

感情呢啲野真係人夾人,你覺得好咩?人哋可能覺得好差⋯⋯

人哋覺得正嗰啲,你又可能覺得唔啱自己!

世界咁大,實搵個適合自己又夾得黎嘅人,可能時候未到姐!

老套講句,唔好強求,順其自然啦!