好多人都會同明星撞樣,可能由細到大都會聽到類像「你又似邊個邊個明星」、「你37面同邊個有幾分相似」⋯⋯然而如果當你連聲音同個明星本人都好相似的話,咁就真係好神奇!

 

最近內地有位叫「丫東哥」嘅燒桿工人,時不時都會拍片擺上抖音,日前就畀網民發現佢同華仔(劉德華)撞晒樣,重點係連佢歌聲都似到十足十,極速吸引咗大批粉絲關注!

「丫東哥」之前染過一頭金髮,同劉德華90年代尾至2000年初個造型好似,再加埋一個「三七面」以及鷹鼻,戴埋帽的話真係可以以假亂真!

其實本身「丫東哥」只係想利用下抖音分享下平時日常開工點滴,然而畀網民留意到佢貌似劉德華之後引來不少人關注,「燒桿界劉華」已經吸逾75萬粉絲!所以而家順勢扮埋劉德華唱歌,仲話「並非專業,只是愛好,希望大家開心快樂就好,感謝你的支持,謝謝」!

Source:抖音