外貌有小似謝霆鋒嘅龍心(全名:林克霖),自 2012 年喺城巿論壇響朵「我係嚟自美國三藩市福青幫第二把交椅,龍心,438!」後,一直都係網民們關注嘅對象!

當年龍心行徑異於常人,大眾都懷疑佢係痴線/有病!不過龍心自己就認為:「其實精神病個個都有,只睇係咪發作出嚟,有啲人發作咗,他變咗一個好循規蹈矩嘅香港人,佢哋嘅反應可能好奇怪,但佢符合呢個社會。」「根本而家啲人都唔正常、唔自然。笑都唔自然,開心都唔開心。」 幾句說話,就可以知道龍心睇得呢個世界幾透徹~

龍心日前仲踩場上去「乜乜幣」嘅talk show,疑似呃人錢果啲!

前排龍心又係搭港鐵時利用扶手作出種種表演,包括引體上升、倒吊、倒立等動作⋯⋯終於萬眾期待嘅龍心回歸了!