Image result for Lady m 排隊

Lady M 開咗嚟香港之後,各分店都不乏港女們排隊,爭住嚟朝聖。

貴為一間美國嘅跨國蛋糕店,做生意緊係唔會剩係做外國人生意啦!

全球華人咁多,中秋節呢啲傳統節日所帶嚟嘅商機咁大,Lady M 當然都加入,出中秋應節食品,做下華人生意。

Lady M推出中秋節月餅,四粒細細嘅月餅索價58元(美元,約453港元)。

不過有居美港人爸爸訂購一盒,佢拆開品嚐時發現,裝月餅嘅膠盒竟然印有「奇華」嘅字樣。盒內裝住嘅係香港「奇華月餅」,一家人有感被騙。

佢認為Lady M「掛羊頭賣狗肉」,指已向Lady M投訴,對方承諾會退款,但要求佢退回月餅嘅燈籠盒。

食落係奇華,個盒就Lady M,即係擺到明買包裝啫!

不過個包裝都唔係人人欣賞⋯⋯

 

Source: Lihkg