而家Internet咁發達,好多人就算足不出戶,上網就可以買到衫褲鞋襪,甚至而家連減肥藥上網都有得買!好多女仔為咗保持好身材,為咗減重,都想買減肥藥變靚D⋯⋯之前香港同埋台灣美容界造成一陣嘅騷動,掀起一片網購熱潮嘅「減肥藥Yanhee」!唔少想減肥嘅朋友仔一聽到呢款來自泰國嘅所謂神奇減肥藥嘅傳聞,都趨之若鶩;甚至好多人會搵人代購Yanhee!
尤其係香港,好多網店都有代購。有網友就心郁郁想係以下呢間ig shop買「減肥藥Yanhee」試下,當佢鼓起勇氣向店主查詢減肥藥嘅資料,點知⋯⋯

根據呢位網友提供資料,話說呢⋯⋯呢位女網友想買「減肥藥Yanhee」,見到呢間ig shop好似幾多人followers,睇落又唔似黑店,因此就心郁郁想試下買減肥藥。當佢用Whatsapp向呢位店主查詢之後,竟然畀個店主X!

一日有24小時,香港人大部分時間都做野,覆唔切Whatsapp其實都係人之常情⋯⋯更何況而家只係查詢,都未話要買!

呢位店主既服務態度實在太差,網友深深不忿之下就起咗呢間鋪既底,於是佢發現呢間鋪頭個店主,原來早己係網路上出哂名臭名遠播!唔少女網友都表示「我都有畀佢鬧過!」「我懷疑個店主食減肥藥食到痴哂線!」「睇唔岩就要畀佢公開資料CLS!」更有網友係ig開咗個AC專係post呢間野既劣評!

 

原來好多網友都畀呢位店主鬧過!

   

   

聽聞店主成日鬧完人就話放人上高登⋯⋯相信店主應該係高登友,言行咁出位唔知有無人認得佢?
       

其實一個聰明既消費者,喺選擇減肥產品嘅時候一定要仔細檢查佢嘅成份同埋科學根據,而唔係信一啲不明來歷,有幾個蛇精女揸住產品影相嘅網店/P圖疑似美女部落格/ig美容黑店/自製大量好評嘅黑店。原來呢間賣「減肥藥Yanhee」標榜由泰國代購返黎嘅ig shop賣嘅貨品⋯⋯真的假不了,假的真不了!

                          

有網友質疑呢間鋪頭到底賣真貨定假貨,聯絡泰國嘅曼谷Yanhee Medical Clinic嘅醫學美容醫院,得到咁樣既回應⋯⋯

一句到尾!做個聰明嘅靚人,唔好買不明來歷嘅減肥藥!就算要買,都要仔細檢查佢嘅成份,店鋪既可信度同埋科學根據,胡亂食藥可能會死!
Source:Facebook巴打絲打facebook group, Instagram