「我嘅初戀情人就係我老公/婆」呢件事幾浪漫?但試問有幾多人又經得起外面種種誘惑,由此至終都同一個人行落去?

近日身邊一位24歲嘅男性朋友同女友分手,佢同佢女朋友一齊咗2年,大家感情好好;不過分開原因純綷因為我呢位男仔FD只係想試多D刺激野, 青春無悔!

睇我個FD個樣純純咁帶住副黑框眼鏡, 分咗手之後竟然咁大膽同我講「想喺BAR識番個女伴!」

人嘛,總係貪新鮮!一聽佢講得出呢句,就知佢好明顯係未玩過⋯⋯

未試過玩嘅男人其實都唔了解呢個世界,亦都想試下自己有冇吸引力!

而家資訊發達,隨便down個交友apps就可以識到SP;出去酒吧/去蒲 五光十色有咁多誘惑

呢個世界,如果想你嘅男人純到好似白兔仔咁過到一世?呢個可能性近乎0%⋯⋯

好好似創業咁,就算衰咗都有時間翻身,其實感情咪又係一樣;而家後生唔試多幾個,唔通等三四十歲,結咗婚先嚟試?

我身邊就有好多男性朋友,同拍咗拖6年嘅女朋友分手/同初戀女朋友分手⋯⋯都選擇咗去玩呢條路。

不過就算真係畀你揀到一個未玩過嘅男人,同佢一齊好好地拍咗幾年拖,然後到佢差唔多30歲(男人黃金年齡)嘅時候⋯⋯

佢開始事業有成就會忽然想跳皮⋯⋯就算無成就,都會想玩下享受下呢個世界!無一個成年男人係唔想去滾…

係個陣女人嘅風險真係好大!

如果本身個男人玩過,可能佢都會有浪子回頭一日⋯⋯

但如果係成世都未玩過嘅男人,你想佢回頭就好似買六合彩搏頭獎咁!

男人嘛~佢地總係覺得自己嘅世界比女人大D值錢D,時間同青春都多D!

不論男女, 其實人人都鐘意玩!

好似我有個男仔FD,佢成日上大陸搵女女又係蘭桂芳食女,咩野前門後門都玩過晒。

身邊好多人叫佢正正經經搵個女朋友, 但佢就話「玩夠就會去搵GF!」

聽完呢句說話我終於覺得我朋友開始長大⋯⋯

有人講過,一世人至少要遇到三個人,一個係愛自己好多嘅人、一個係自己好愛嘅人、而最後一個就係同自己結婚嘅人!

人就係透過遇到好多愛自己嘅人同埋自己愛嘅人,又或者人D無關痛癢嘅過客,

教識自己點樣表白、點樣錫對方、點樣做愛、點樣玩、 點樣享受人生!

好多人話20歲男人個腦似16歲都係唔成熟、幼稚 ,25歲嘅男人都仲係成個細路咁⋯⋯

所以女人其實就係男人嘅學校,而女士們就用自己最美好嘅二十幾歲時光去改造一個男人!

往後你認識嘅三十幾歲男人都係被改造過, 唔單止係個腦,連個心都調教過!

男人注定係要經過好多女人調教先會長大!

當佢地玩夠啦享受夠,自然唔想再玩,覺得無野好玩,想定落黎!


一句到尾⋯⋯及時行樂,至少得到過!