iPhone 係apple store 買,咩優惠都無,但佢嘅特許經營店,往往有好多信用卡優惠、免息分期等,所以都有唔少人選擇去呢啲特許經營店買iPhone,平翻幾舊水。

豐澤係其中一間特許經營店,誠哥嘅鋪頭都有一定信譽,諗住係豐澤買實無死啦,點知有位網民就鬧爆豐澤,皆因佢用$7799 購買一部全新嘅iPhone X 64gb,點知一開竟然係壞機,仲要無得換⋯⋯

成個情況就好似你俾正價買咗件用唔到嘅垃圾,一眾網民都戥樓主唔抵,話佢嘅退款條例好唔公平,支持佢搞大件事。

 

 

樓主開咗呢個post 之後,除咗有一堆巴絲打鬧爆,竟然仲有好多人嘅留言都係話係豐澤買野中過伏⋯⋯

咁大間公司,賣啲貨無check 清楚就俾客,仲要有事就將個客拋波咁掟翻俾Apple⋯⋯

呢啲事件相信唔止一單,唔係單單指向豐澤,而係所有特許經營店。

如果想有購買保障,其實都係去翻Apple Store好啲嘅,大家其實都俾咁多錢買部iPhone,都唔爭在個幾百蚊啦!

   

 

Source: Lihkg