香港出名交通方便, 遊客係香港玩搭各種公共交通工具已經去到好多地方。不過其實有種交通工具,對於遊客黎講,就有啲難掌握。就係香港嘅小巴喇!

難嘅位有好多 – 究竟紅Van 同綠Van有咩分別呢?有啲上車俾錢有啲落車俾;有啲有分段收費有啲無;有啲揮下手就會停俾你上有啲就要有站牌先停⋯⋯

人生唔不熟你根本就唔知架車開到邊,所以更加唔知幾時嗌有落,遊客用其他語言更加唔知點同司機溝通邊到落!

仲有好多好多難嘅地方!其實身為土生土長嘅香港人,都唔太敢搭無搭開嘅小巴路線。

相信好多土生土長嘅香港人,搭小巴都會做定啲research 先敢搭!

有唔少網民就鬧爆小巴司機嘅服務態度!

凡事有例外,有網民嘅外國朋友成功自己搭咗程小巴仲成功落到車⋯⋯

不過有人就覺得好多東南亞地區嘅交通都好難掌握⋯⋯