喺香港地,寸金尺土,行街行攰咗,你係唔會搵到一張凳坐下休息下,因為每寸空間都係錢,有位都起多幾間鋪、擺多幾件貨啦!點知有小店竟然自己店入面放咗個免費drink bar, 俾客人休息下。咁體貼嘅鋪頭其實都幾難得。不過,佢哋琴日就出咗個post 話唔會再放drink bar 出黎!原因係,drink bar 俾貪心嘅人掃清光!

唔同嘅地方就有唔同嘅文化,有啲其他地方做到嘅事,香港未必得,唔work 就係唔work !擺得drink bar 出黎,其實店主都預咗免費俾大家飲,只係無諗過會有人一次過拎走咗啫!見到有免費野喎,緊係唔好執輸!