每個成功男人莫過於有個好老婆backup自己!可惜呢位巴打個老婆除左靚之外⋯⋯就真係乜都無!由於佢老婆學歷加上內地背景,生完小朋友後就無做野⋯⋯ 特別屋企仲請埋姐姐俾,小朋友都已經唔洗點照顧 ~所以佢老日子愈過愈懶⋯⋯

1)每日訓到十一點起身。

2)一起身就對住個電話。

3) 下晝又返訓。

4) 訓完搞到5 點6 點先去買餸。

5) 唔訓就出去行街買衫。

6) 每個禮拜總要有幾晚飲醉酒。

7) 飲酒都算 飲完仲要餵b 飲, 佢無知地話無影響⋯⋯但有幾次自己成支紅酒飲曬,個人都醉醉地都系繼續餵奶。

8)用餵奶個理由厄自己,無節制地瘋狂食野。話要補充能量營養俾小朋友所以每晚都要食宵夜(仲要係垃圾食物)!個肚已經大到好似人地有左四五個月,每次過關入鏡處一定捉 (相唔同真人),佢一邊怨 一邊繼續佢大食計劃!

9)成日搣人,又鍾意掌摑人。有試過公眾場合俾佢「com」 ! 講過好多次,有收斂左但都系有⋯⋯ 就算唔「com 」,佢都會用腳喺你睇緊書時掃你塊臉 ,一ga就敲你額頭,完全唔識尊重男人!

10)脾氣超差,講兩句就鬧返你轉頭,成日潑婦罵街, 你夠膽行開?死到要追到你一定要你道歉為止!

11)一嘈交就講粗口!

12)不學無術!一無是處 !扮靚都算喺佢唯一專長~叫佢睇下書佢話佢會睇電話微訊,真係不思進取!

13) 好鍾意比較!老實講我哋又唔係大富之家 ,人工基本上喺月光族⋯⋯但佢偏偏鍾意同D闊太鬥,出去曬命!人地出去一次行行地幾皮野消費,佢買唔起返到屋企又話羨慕人!然後次次同班闊太出去食飯唔係五星酒店就千千聲埋單,結果家用用曬就問我拎!

14)朋友講乜就信乜,我講咩就當垃圾耳邊風!試過有朋友話投資2萬兩個月之後,每月都可以拎返3千;結果緊係畀人坤啦~ 不過佢都喺唔識吸取教訓又再次畀人搵笨柒!

15)成日亂咁買野,買完好多衫/ bb 用品,用幾次就唔用,都唔明點解 bb 車平均3個月要換一次!?

16)唔識做人⋯⋯喺我D朋友面前成日講啲只有我同佢之間知嘅事,佢以為自己搞笑其實係落緊自己面!

17) 嚟咗香港成年幾,廣東話又學得個幾句⋯⋯又唔肯講,佢話驚畀人歧視。

18)成日將啲衫周圍掉,唔喺有姐姐的話屋企張沙發可以搵唔到位坐。

 

呢位巴打而家日日生活都好似落咗18層地獄咁⋯⋯
所以話呢~結婚真係要諗清楚!