好辛苦咁係公司捱夠咗一年⋯⋯開始有D想轉下環境轉工?今日同大家介紹返呢份工,起薪點$43000、唔需要經驗、唔洗受氣,不過呢⋯⋯ 就要具備特別「條件」先可以勝任呢個職位!

無錯⋯⋯我就係講緊死人化妝!死人化妝呢行薪金非常可觀,就咁一個「學師仔」起薪點都已經有$43000。做呢行無年齡、性別、經驗限制,係咪好吸引先?其實要入殯儀呢行唔難,但呢行強調既⋯⋯並唔係你到底大唔大膽,而係本身五行各方面夠唔夠正氣同殺氣?!至於點樣先知你有冇「條件」成為合資格員工??師傅會用另類應徵方法⋯⋯

各位應徵者要考慮清楚!!!首先師傅會安排你響一個停屍間,而停屍間裡當然會有件「好企理嘅咸魚」等緊你!成個停屍間入而只有你、咸魚、一盞油燈、一張床同埋一部冷氣。其它欠奉請自便!師傅會安排三日時間畀你同條咸魚相處!

呢三日你只需要坐喺呢間房入面,每日大概坐既時間係由黃昏6:30至凌晨12:30不等!基本上你只要坐係停屍間咩都唔洗做,師傅純粹要你齋坐響度對住條咸魚幾個鍾頭!期間師傅會間中入黎望下你情況,不過唔好期望太多,師傅唔會企響度同你吹水,因為師傅要考驗你定力同忍耐力(當然期間你可以去食飯去洗手間…..就係咁,不過都要連續齋坐三幾日!至於師傅會唔會錄用你就好睇你往後個一星期。至於點解??因為係大部份人」坐完三日」之後跟往個七日都會「有反應」,而呢七日期間師傅會跟你通電觀察你情況。

因為大部份人都會出現無故嘔吐、發燒、有惡夢、暈眩或大病等等無法解釋既症狀….因此,師傅都必需要知道你過後反應到底係點….當你」坐三日」後有以上任何一種反應,都代表你陽氣不足、正氣少、殺氣低,受唔起陰氣同靈氣磁場。即使你再膽大包天都係徒然⋯⋯因為後呢堆反應正正代表你生辰八字、五行都唔能夠承受過多陰氣及靈氣磁場⋯⋯ 都係個句啦,有緣人先入到行!

Source:美麗人生