咁多位絲打mark住啦,大台有位富二代筍盤,真係睇到都濕哂!呢位筍盤就係最近喺無綫《跳躍生命線》中,飾演cool爆消防救護學員嘅郭子豪(Arnold),現實中靚仔~大隻~有錢~有實力,名副其實係大台「隱形筍盤」!

名牌大學高材生

郭子豪14年加入娛樂圈,讀完藝人訓練班後,簽約成為無綫「親生仔」。原來佢亦係圈中高學歷一族,中小學就讀於名校喇沙,成績一直名列前茅,據知未放榜已經有數間英國學校向佢招手。之後郭子豪畢業於世界知名學府倫敦帝國學院 (Imperial College London),佢修讀的機械工程學科更是排全球第3,名副其實係高材生!

郭子豪住豪宅揸靚車

靚仔、大隻仲係高材生,呢個package都仲未夠!因為郭子豪更來自一個富貴家庭!郭子豪父親開廠做製衣起家,現經營時裝貿易生意,身家不容小覷。父母住在大埔康樂園,而郭子豪就大個仔要有自己空間,以月租約三萬五租附近半山的獨立屋龍城堡,豪到爆!閒時唔使開工,郭子豪就揸佢部價值80萬的Audi座駕,去到家人住的康樂園會所做Gym。

唔想「成功靠父幹」

雖然屋企咁富貴,不過郭子豪一直甚少提及家庭背景,保持低調。熱愛幕前幕後工作的郭子豪,讀書時期已經喜歡攞住DV四圍拍,曾專程報讀演藝學院的導演課程。之後佢開設製作公司,幫過馮允謙拍微電影,講到明唔想「成功靠父幹」!

Source:girlmudmudmud