iPhone, iMac, 雪櫃、電視全部$298! 律師:冇合理原因取消訂單

iPhone XS, Apple Watch, iPad, iMac, 雪櫃、電視全部$298!你冇睇錯,係豐澤自己出錯!昨日凌晨,豐澤Eshop大量貨品標$298,唔少人成功買到出哂收據,平到嚇死人!

       

點知豐澤指係內部發生故障,$298係標錯價,並指「會盡快將款項退回」。不過,有律師就話如果真係豐澤自己標錯價,其實係冇咩理由取消訂單,訂咗嘅人照理可以追討賠償。另外,因為宜家好多大公司都鐘意將商品減到勁低價錢吸引顧客,如果今次豐澤可以用掛錯價錢嚟免責會開咗個唔好嘅先例。

豐澤宜家提出退款同取消訂單嘅方案,有律師就提議除非買方知道係系統出錯後大量入貨,否則客人都可以嘗試去高等法院處理。