適逢2月14呢個街裡愛人一對對嘅日子,一眾單身狗網民為咗表達心中長年冇女嘅哀愁,紛紛將《紅日》改詞成《2月14顛沛流離》嚟應一應節。點知三句改詞一出,就輕易地拋磚引玉引晒成班高手出嚟齊齊改晒成首歌。

出post唔夠一日已有過萬「正皮」,唔少網民仲想推到李克勤唱下《2月14顛沛流離》,點知李克勤真係喺佢Instagram表示,真係幾想唱一唱,不過就怕小朋友聽到睇到。留咗個祝福,希望大家都可以脫單咁話喇。不過,克勤今朝都係忍唔住開金口清唱咗幾句,而剩低嘅部分呢,就由連登巴打就自行代勞,即唱新歌,仲要自己剪埋MV𠻹,超有heart!

 

 

成首「2月14顛沛流離」,成班網民都作咗好幾個版本,而唔少巴打仲一齊係唔同嘅版本入面篩選出最啱音嘅詞,又有巴打好快手咁剪埋MV兼唱埋出嚟,令到成個連登係2月14依啲咁「顛沛流離」嘅日子有一絲情人節氣氛同溫暖呀。

 

本來話唔唱嘅李克勤,今日都係忍唔住開金口,清唱咗幾句呀!

MV連結:

Source: Lihkg