近日有Facebook專頁Post咗一段新聞,話一名青年情人節前夕被女飛,之後仲掟晒全屋嘢落街!情人節前夕被女飛都咪話唔慘慘豬!天水圍一名青年,懷疑受唔住情人節要變返做單身狗嘅打擊,發晒狂咁將屋內嘅家私、電器同雜物掟晒落街,差人接報封鎖現場,同個擲物狂徒對峙幾粒鐘,期間佢仲有不停掟嘢落街,最後全屋得返啲好重嘅大型電器同張床佢掟唔到之外,乜都俾佢掟晒咁滯!

青年疑失戀,不停將屋內電器及雜物擲落街上, 警方將現場封鎖,地上滿佈被擲下的家具及雜物。

青年所住單位事發後空空如也,最後只剩下幾件大型家具及電器。

被事主擲下的一張床褥,從三十六樓飛下街中。

有網友留言指條仔「趁年廿八洗邋遢」、又有人話「執屋可以搵鐘點姐姐,其實好平」

發狂擲物落街的男事主,不時在屋內大聲呼叫。

不過條失戀男眼界都幾準,掟咁多嘢落街都無掟中任何人,事件擾攘幾個鐘後,警方破門入屋將狂徒制服送院,條失戀男涉嫌高空擲物被扣查。

其實呢單嘢發生喺2005年,其後每一年的情人節都被人重PO回帶,可以話係經典新聞!

 


情人節相關新聞:

情人節冇 BOOK 餐廳 極品港女街頭大鬧分手