37歲阿可與結婚4年嘅老婆阿豆諗住一齊迎接新生命,但係到臨生先被告知,小朋友唔係佢親生,成頂綠帽一下子笠到落腳,但阿可依然本住大愛嘅心諗住:「小朋友出咗世再算」,點知bb出世之後先見到陪住自己老婆嘅,係第二個陌生男人呀!

阿可任職救護員,早年由同事介紹認識物理治療助理嘅阿豆,拍拖3年之後係2014年註冊結婚,再係兩年後先至開始住埋一齊,一心諗住終於可以共築愛巢,但老婆阿豆就由婚前嘅健康乖乖女個性,變到喜愛夜蒲。後來仲辭埋物理治療助理嘅工作,轉做秘書。阿可指,老婆一星期都冇兩日真係會返屋企,就算返到屋企都係訓教,平時佢哋都幾乎冇溝通,冇見面,連send信息比老婆,老婆都係冷淡語氣又遲覆。

直至舊年年頭,老婆阿豆同佢講大咗肚。不過呢,bb可能就唔係佢嘅,因為阿豆同佢坦白話,自己係澳門公幹嘅時候飲醉咗,咁咁啱呢,阿豆嘅老闆就入左佢房……不過就算係咁,阿可都依然期待住BB嘅出生。

BB出世後第二日,阿可先被通知,趕到去醫院先發現由姦夫周男陪產。BB床頭照,仲有佢哋嘅合照。阿可話:「果一刻梗係是直接認定依一個人係第三者,因為有邊一位女士會接受,丈夫以外嘅男士入產房陪產?」

後來阿可決定離婚並再進一步調查阿豆同周男嘅關係,發現外家係二年前已經認識周男,仲一齊慶祝母親節(下圖右一為周男),令阿可覺得外家一家都係魔鬼家庭!

阿可翻查佢哋嘅whatapp紀錄,發現阿豆一直都叫周男做老公!

而周男亦向蘋果日報表示,已經做咗DNA測試,自己係BB嘅親父,多年前因為做物理冶療時認識阿豆,舊年先成為情侶。佢一直以為阿豆搞緊離婚,但係到BB出世先知自己女友仲係人哋嘅老婆,話:「我都有少許愕然。」

source:apple daily hk