師奶力數公屋四宗罪 獻計防女嫁「公屋渣男」

話說有位師奶係香討度出post指,女兒如果嫁咗俾「公屋渣男」就真係一大「夢魘」,力數公屋男要接受社會施捨仲自以為「荀盤」,咁嘅人真係「嗚呼哀哉」會毀自己個女下半世咁話,仲教路點樣幫個女鋪路!

1、逃出公屋!

師奶話齋,住公屋冇公屋免租就會喊打喊殺,所以先要逃出公屋,唔好俾個女生於公屋圈子入面。

2、未來女婿要識大型樂器! (注意返,係要大型!)

因為呢,培養個女興趣係好重要嘅,特別係音樂方面。因為個女都會揀返個Similar Interest(相同興趣)。

不過女婿識樂器係唔夠㗎,要識大型樂器!因為咁樣代表親家屋企唔會太細,唔係納米樓扮豪宅。而且親家會有多少閒錢去崇尚文化,唔會有「彈琴搵唔到食」依啲「饑民」思想!

3、浸過鹹水!

個女要放洋留學!因為入大學先可以選金龜,而外國留學亦等於親家嘅家境都有個錢,唔會餐搵餐食餐餐清!不過就要小心用加按嚟供個仔嘅家庭,費事個女將來要一起幫手還債。

4、行山!

公屋渣男住慣200尺,就唔會對自然同空間有渴求,而享受自然空間就等於有眼界喇!而且亦可以由行山路線知道住邊;加上行山果陣遇過老外,就代表咗對方嘅語言能力唔差喇!不過如果對方行山玩電話又只係一味認叻,就要減分。

唔少網民話,你揀人人揀你,比有錢仔中出即飛仲好笑!如果真係咁想介意個女嫁比公屋男定私樓男,不如去學算命算喇!

 

不過,亦都有部分網分讚同佢嘅諗法,話樓主都係講緊點樣栽培個女在先,樓主都只係想要返門當戶對而且唔想女婿寄生社會姐。