農夫呢個組合2000年出道,數下數下原來已經出咗道19年。好多80、90後中小學時期都聽住農夫啲歌大,不過嗰時可能剩係會覺得佢哋兩個好搞笑、係香港唱rap 嘅組合,無咩點特別留意到佢哋嘅音樂。但80、90後而家都大嗰咗,聽返佢哋嘅歌,就會發現啲歌詞好到肉。有巴打就話自己走哂寶。

佢哋嘅歌內容都幾廣泛,講社會、愛情、成長、夢想,相信各位已經大嗰咗嘅80、90後都會好有共嗚!

講社會

《港女收港男皮》

呢首俾稱為禁歌,原因係歌詞太精彩,無女歌手敢唱,亦都無公司接受到。首歌不斷串港人,數爆港男港女,講兩性社會現象,但係你又會發現佢講得幾啱!

「一句說話有幾個英文 用又用得核突  成日although又but」

「啲港女只愛港紙」

「秒秒都follow追Po 但係唔知邊個特朗普」

「話我淨係Po文機不離身 對新聞漠不關心  你試吓打機嗰陣我識咗你嗰wifi你會點諗」

《十七年華》

呢首諷刺緊時下報紙亂咁報導,經常作故仔咁作。首歌入面講緊個老豆性侵個女,啲詞講呢種事係香港經常發生而且係無人知,但呢啲新聞往往只係被關注幾日就無左回事。

「第二天沒人理會這新聞
第三天沒人理會這新聞
第四天沒人理會這新聞
第五天同類事件再發生
第六天人人關注那新聞
第七天沒人理會那新聞
第八天沒人理會那新聞
第九天沒人理會那新聞」

講愛情

《阿遲》

呢首講初戀到長大嘅戀愛,失去當初感動。

「十四歲升中三你啱啱初戀初戀幾好玩   好玩到每晚半夜三更傾電話傾倒電話都無電   但喺依然會掛念依然想見多你幾面   拍拖第一日就諗點樣去紀念一周年   拍拖第一個月就諗結婚要點 擺酒要點   兩個人坐喺餐廳一齊plan對仔女叫乜嘢名   直到三個月后 你第一次分手」

「越嚟越容易得到越嚟越唔珍惜你所得到   Easy come easy go 唔相信一世到老」

《好彩分手》

分手受重傷嘅你地聽呢首一定會得到安慰!

「佢肯同你分手  你應該走夾唔抖喇  咁嘅人都有  簡直係禽獸」

講成長

《返老還童》

大個咗聽返呢首歌,明明個旋律係好輕快,但聽到有啲心up。

「幾時開始發現自己有啲老態   諗住跑吓街綁完鞋帶都有啲冇態」

「幾時先發現自己開始成熟  就係你發現接受到老細嘅凌辱  無論政局 幾動盪 你會選擇退縮  其餘乜都唔驚 你淨係最驚稅局」

《難得咁人齊》

以前返學嘅朋友日日見,落街玩下無咩所謂,人大咗出咗社會做嘢,人人都有自己嘅生活,約一個人總有千千萬萬個借口唔出嚟!搞手聽呢首應該好有共嗚!

「約一次 已經費時 約多次 已經老年時」

「唔係早走 就甩底 敷衍老友 有乜為 要人齊 係咪要等到其中一個喪禮」

《我要打多支》

《Old School Days》

《問題兒童》

《粒粒皆辛苦》

「再兜個圈 再轉個彎 幾千里長路 結婚戒指 變出世紙 先知粒粒亦辛苦」

《偉大航道》

呢首以自身嘅經驗去勉勵青少年。

講夢想

《我的志願》

《重新找到你》

呢首係打工仔嘅心聲,日日機械性咁返工,無咗自我,忘記咗自己理想。

「很想到某日盡情盡了不再有憾了   就算一天老了仍能帶笑   自豪擁有過精彩的心跳」

而家樂壇好多歌手都唱國語迎合大家口味,但農夫仲堅持緊做廣東話歌,希望廣東歌可以代代相傳。《表演者》、《456 Wing》、《全新派台作品》呢啲歌都睇得出佢哋佢哋係樂壇嘅路好難捱。

《表演者》

《456 Wing》

《全新派台作品》

Source: Lihkg,YouTube