養和醫院被指遭大陸拖篋客「攻陷」,昨日(23/2)有大批排隊相喺網上瘋傳。有啲相片喺嚟自微博,原來有大批大陸客嚟香港打HPV計。

有大陸網民話已經喺養和醫院排咗三個幾鐘,捱凍捱餓咁排隊等打針。

亦有網民表示眼見人龍由大堂排到出門口,再去到停車場應該都有600米,太恐佈了… 只能下次再嚟!

 

養和醫院HPV九價疫苗收費:
每針疫苗費為1950港元,注射費115元一針,診症費約560元,三針總費用約為7,875港元

為何大批大陸客願付高價來港打HPV疫苗 ?

內地近年爆出多宗黑心疫苗風波,大陸市民對當地醫療失去咗信心; 大陸當局又大幅收緊對疫苗嘅監管、審批,導致全國出現「疫苗荒」。有經濟能力嘅人,近年都選擇畀貴啲嚟香港打疫苗,除咗HPV外,流感疫苗亦非常受大陸人歡迎。大陸網民亦喺網站寫點嚟香港打疫苗嘅攻略,清楚列明每劑疫苗價錢、點樣預約及點樣搭車去唔同地區嘅診所。