元宵節大家老母都會煮返兩味賀一賀佢,唔少老母仲會愛子心切一心諗住整宜家好興嘅小食比各位不孝子孫食,至於質素係點,就因各人嘅老母而異啦。

樓主係連登發文話佢老母喺元宵節當日宣布自己學識咗包湯丸,樓主喺唔會拒絕媽媽嘅情況下,就梗係同意喇,點知媽媽就一口氣包咗下圖嘅六倍左右。

 

不過正當樓主老母嗌食得嘅時候 樓主見到咁嘅賣相,都忍唔住嚇親。

不過做人個仔,老母講左句「唔小心煮爆咗少少,照食都好好食㗎仔」,樓主就梗係食晒喇,呀媽問好冇食,都照話好食!

做人仔女,一定要記得唔好輕易讚老母煮野好食,樓主唔小心犯咗依點,搞到一日三餐再連續3日,都係食緊麥提沙湯丸。所以樓主都忍唔住問下大家點可以阻止佢老母繼續包麥提沙湯丸。

而其他巴打除左叫佢當住老母面倒咗佢,同直接話唔好食依啲激進手段外,亦有人建議溫和啲咁講食得多太甜太漏,等媽媽知難而退。不過,唔係應該係麥提沙糯米滋咩?點解會變咗湯丸?

source:LIHKG