有連登仔不滿政府最近嘅交通補助方案,而為咗表達對政府同埋九巴嘅憤怒於是就喺連登「直播」自己同朋友放工之後由觀塘行足11個鐘經元荃古道返天水圍。

巴打話明明已經住母雷公咁遠,都係得$130津貼,真係炆到嬲嬲地,所以決定由觀塘海濱出發,經麗晶花園去九龍城食晚飯,之後繼續經旺角、美孚,再長征元荃古道返天水圍屋企,十足「毅行者」行動。當巴打行到葵芳、荃灣嘅時候,雖然有少少雨,但無阻巴打嘅決心。

 

於凌晨時段,佢先正式去到元荃古道。本住連登有愛嘅特色,好多連登仔都提醒佢該段山路其實有好多狗什至係馬騮,叫巴打一路「報平安」,如果唔係報警撚就會出沒。

而巴打表示,佢有帶齊充足嘅裝備,包括頭燈、手機叉電器、行山杖、運動衫鞋,同時亦都有一路post深夜行山嘅夜景照上網,而一眾網友都有「陪」住佢行,直至早上佢宣布「憑我地永不放棄嘅決心同意志力終於到啦」。

巴打就話,行咗11個鐘,比預期用多好多時間,而且行到蓮花山學校嗰陣,諗住行小路點知差啲撞到個墳頭。而一眾連登仔都大讚巴打好有毅力,相信以後人生都冇野難到樓主咁話。亦都有連登仔影到巴打同佢朋友嘅倩影,話真係好青春好熱血。

 

Source: Lihkg