搭巴士坐上層真係咁重要?一個92歲嘅呀伯,喺24號於深水埗興華街登上一架86C巴士前往馬鞍山。據稱,依位伯伯姓馬,唔止企都企唔穩仲要揸住兩支柺杖,但堅持坐上層。

巴士司機因為擔心馬伯伯喺行車時或落樓梯嘅時候會跌倒,甚至碌落樓梯受傷,因此多次勸喻馬伯伯改坐下層,惟伯伯毫不讓步,仲話:「你唔好理,我今年92歲,日日都喺度搭巴士,你唔好搞大佢!」司機堅持表示:「你跌親有咩事,我要坐監呀!」但伯伯竟然反駁話,「就算我即刻死,你有一日坐監,都係我負責任,你小心開車就得啦!」

途中唔少乘客都勸埋一份,向伯伯講都係想你安全姐,都幾十歲人喇。但伯伯依然坐係上層拒絕離開,司機無計可施,無奈報警求助。事件導致全車乘客要轉乘另一班巴士,而伯伯則喺警員的「協助」下坐返下層,事件先得以落幕。

有關報導紛紛被轉貼至各大論壇,部分網民表示:「真係好撚炆塞啲廢老」、「佢仆街就累死司機」; 亦都唔少人讚揚司機正義行為。

source : apple daily