有位網民喺Facebook度開Post話,早前喺大快活度食早餐時,見到一位伯伯失平平衡跌倒,頭部嚴重出血,所以報警。當商場保安及警察到場之後,警方要求事主留低協助直至白車嚟到。

而事主就見差唔多到返工時間,所以就whatapp事發相同埋打電話返公司表示有機會遲到。但上司竟然話:「 點解係你報警唔係職員報呢?都係當你遲到囉,公司冇呢類情況指引。」事主覺得佢都係報個警,盡返公民責任,幫下一個受傷嘅長者。

 

再加上,現場不斷有人叫其他人幫忙報警都冇人郁,連大快活職員都完全事不關己咁。事主形容當時嘅情況就係:「做野既繼續做野,返工既食完就閃人,街坊繼續做塘邊鶴。」

 

見到自己公司同途人嘅冷漠程度,令事主覺得香港人都幾值得婉惜,香港人永遠返工第一,而依種如此奴性嘅特質都唔係一日練成,真係要多謝各大財團、老闆政策催化。