當你欠落幾間銀行「街數」,無力償還,你會點做?一位住喺廣東嘅男子,為逃避銀行債務,夾埋同村的醫院殮房主管,用4000蚊買咗一具無名屍,諗住搞到好似車毀人亡咁。

據《南方都市報》,男仔姓曹,為咗逃避鉅額貸款,所以就聯絡醫院殮房主管,用4000蚊買咗一具無名屍訛稱要買一具屍體嚟冥婚。屍體到手後,曹男帶同大量陰司紙,揸車至佛山市三水區附近,特登撞電線桿後,將屍體搬至駕駛座再淋汽油點火。

惟公安發現車內有大量陰司紙,於是透過比對車牌及道路監控,鎖定曹男並要求佢家人對行DNA比對。結果發現買錯屍!屍體為女性,法醫更驗出屍體在被焚燒前已嚴重腐爛。

最後曹男被捕,法院經審理認為,被告故意毀壞屍體,觸犯故意毀壞屍體罪判8個月。醫院殮房主管非法買賣屍體,損害屍體尊嚴,觸犯侮辱屍體罪判7個月。

 

 

 

 

source:hk01