近日呂慧儀(長腳蟹)同黃文迪宣布離婚搞到大家都覺得好驚訝,但無線暗星傅嘉莉突然無啦啦一個搭嗲,喺自己Instagram度重提一年舊到冇人記得嘅舊事,話自己畀呂慧儀借上位,當年嘅事係佢哋兩公婆自編自導自演,並力數當年呂慧儀冇幫佢澄清。

 

因為事發當年,黃文迪上傳一張同黑甲女十指緊扣嘅相,但係呂慧儀表示自己未搽過黑色指甲油。所以當年傳媒都將矛頭指向傅嘉莉,話佢搶好朋友老公,而傅就堅持隻手唔係佢!仲話隻手明明係呂慧儀、架車明明係佢地架7人車、明明係佢哋自己影,就咗見報所以利用佢,明明大家係好友兼同行,搞到佢形象插水!

 

不過一眾網民睇到依個IG post就唔多領情,都齊齊火都滾埋,話傅嘉莉喺人地離婚嘅時侯,講埋啲咁嘅嘢,分明就係傷口上面撒鹽,而且成件事佢唔講根本一早冇人記得。重要嘅一點係當年呂慧儀係有喺微博幫佢澄情,而當時傅嘉莉仲有多謝呂慧儀還佢清白。另外,傅嘉莉的確三年同時搭上三個「肥叔叔」及已婚富豪莊天龍,而且仲多次畀人影到同富豪出入酒店同埋同遊外國。唔少網民都表示,傅嘉莉形象插水真係自己攞嚟!

但個事實係:真係好彩有圖有真相

有網民睇唔過眼,於是力數傅嘉莉多年嚟成日偷嗒已婚富豪,不過傅嘉莉已經極速Block佢喇!

當年傅嘉莉啜已婚肥叔叔係有圖有真相!

 

source:蘋果日報、傅嘉莉instagram、呂慧儀微博