英國一個65歲嘅男人,因為畀海鷗搶薯片而發脾氣,一秒將海鷗隻腳捉住再擲佢埋牆,令到海鷗瀕臨死亡要人道毀滅,由於被虐嘅係小黑背鷗,喺英國屬於受保護鳥類,所以被裁定罰款750英鎊。

人舊年到濱海韋斯頓渡假,當時拎住薯片嘅佢畀一隻海鷗搶走,而男人擲海鷗埋牆嘅時候,在場亦有小童,仲因為咁而嚇到喊。當途人質問男人點解咁做,佢聳聳肩話:「海鷗係害蟲,你應該教導小朋友認識害蟲。」有途人帶仲帶隻海鷗獸醫,但最後都要人道毀滅。

只係曾經旅居海外嘅巴絲網民們就力撐英漢嘅行為,表示去過歐洲沿海城市就知道海鷗係幾咁多同無賴嘅生物。話「啲海鷗喺英國惡過蝗」,而且亦都唔明如果係「老鼠或者曱甴偷嘢」啲大愛動物撚仲會唔會咁講?仲搞笑話:「仲以為判隻海鷗偷野罰錢添」。亦有人提議下次「應該加D潟藥落野食到」,但咁咪會落屎雨囉?

不過提提大家,喺英國連白鴿都係受保護動物嚟…

Source:LIHK