3月12日嘅KKBOX香港風雲榜雲集好多歌手,包括多位巨星上台傾力演出,張敬軒、容祖兒、謝安琪等等都有份!不過,講到成晚最具話題性嘅歌手,一定係曾樂彤!話說佢當晚演唱《太陽蛋》嘅時候,又跳又唱,但完美到一啲呼吸聲、喘氣聲都聽唔到,就好似播CD 出嚟咁,有唔少現場觀眾同網民都話佢咪嘴。曾樂彤事後喺自己Instagram story 上載一張相,話自己為呢個表演準備咗好耐,不過值得留意一下右下角個hashtag #micnlm,可以理解為「咪你老母」。網民睇到真係「嘩」一聲!

有睇曾樂彤當晚嘅表演嘅觀眾,懷疑佢咪嘴係正常嘅,因為佢就算啦開咗個咪,啲聲量都係一樣㗎!不過佢就堅稱自己無咪!

有網民就分析點解曾樂彤咁堅持話自己無咪嘴。

唔少網民都覺得曾樂彤本身咪嘴都無咩嘢,只要唔理,好快就會淡忘,但佢出咗個story 回應仲要加咗個#micnlm hashtag 問候網民老母就過哂火喇!

娛樂圈無咩邊個無俾人鬧過,網民都覺得佢作為樂壇嘅新人,發表咁言論真係大口氣咗啲!

發表完#micnlm 言論後,網民嘅抨擊更加犀利!呢個時候,游學修出嚟護花,喺自己嘅社文媒體發表帖文力撐女朋友!

游學修嘅言倫無平息到網民嘅怒火,反而火上加油。

  

發表完言論之後,游學修嘅社交媒體多咗好多人留言鬧埋佢!唔知係咪因為咁,佢好快就上載一張相向網民道歉。

 不過曾樂彤暫時都未就#micnlm言論道歉,唔知英皇嗰邊點拆呢單嘢喇!

未睇曾樂彤呢個咁具爭議性嘅表演可以睇返:

同場加映容祖兒又唱又跳嘅live performance。

Source: Lihkg,[email protected] KKBOX , [email protected], [email protected]