大馬靚女多~其中一個喺香港出哂名,就係林明禎喇!樣靚身材正令佢得到大馬女神稱號!有喺Instagram 追蹤開靚女嘅可能都知道有個新大馬女神,被網民稱為林明禎接班人嘅蔡卓宜(Joey)。今年廿五歲嘅佢係馬來西亞嘅歌手,真係不愧佢被封為林明禎接班人!個樣靚、笑容甜、身材好、仲要有把靚聲!上天公平咩?

 不過,佢上年五月底先被發現佢一早就秘密結婚,2016年嘅時候已經同男友步入禮堂,而家有傳兩公婆一早離咗婚,前夫已經刪哂有佢嘅相,真係嚇親好多Fans!

蔡卓宜一開始係活躍喺Instagram,出咗名之後再轉型變成藝人!據《中國時報》報導,佢同前夫近期離婚,男方將社交媒體上嘅親密照刪哂,包括二人親吻嘅封面相,都被移除。對此,蔡卓宜嘅經紀公司回應:「拒絕回應一切有關藝人個人隱私與生活的問題。」

3 月14號白色情人節嘅時候,蔡卓宜上載咗張自拍相,寫咗啲感性嘅說話:「選擇與放棄是一種選擇,開心與不開心也是一種選擇,尊重自己的選擇,畢竟人生不能重來。」令人不禁聯想到離婚呢件事。

招牌笑容甜到迷倒唔少網民!

擁有係女仔都羨慕嘅身材!

不過身型咁fit,都要靠自己努力嘅⋯⋯要勤力做運動先可以有線條。世界真係無醜嘅女人,只有懶嘅女人!蔡卓宜經常健身、做瑜珈同打拳,令自己保持美好嘅體態!

         

咁靚女、仲咁後生,又多才多藝,一定大把男人追!

Source: Lihkg