44歲TVB藝人劉綽琪(現名劉倬琦)畀雜誌影到早前一個人孭住四個大袋喺中上環鬧市,包括地鐵站、電車站,甚至係港鐵車廂入面等地方四圍貼街招。街招內容係控訴「陳公公」暗指陳志雲只棒擦鞋仔,包括崔建邦、唐詩詠、陳敏之等人,更加同另一管理層何麗全聯手打壓中下層下屬,以權謀私,並稱要為一個於12年前就自殺嘅無線中層攞返個公道,而街招中更表示自己的生命受到威脅。

事後有記者問返件事,但劉綽琪竟然表示自己從來都冇貼過街招,亦唔識陳志雲,自己亦唔會去中上環咁遠。但記者發現佢精神有異,而佢都表示自己嘅精神同情緒都受到極大困擾,現時食緊情緒病藥,亦需要接受治療。


而何麗全就話乜都唔知,例牌唔係事實唔回認。而佢亦表示有同劉綽琪傾過合作,不過暫時都冇合適嘅工作可以畀佢。