早幾年台灣嘅八仙粉塵爆炸令香港人非常深刻,不過繼早前BU大學生係hall玩麵粉搞到又一次爆炸燒傷之後,以為人類就會吸取教訓有常識?少年你太年輕了,人類總是重複犯錯的。一間教育機構租用場地大搞學生活動,事前雖然有講明會使用顏料,但場主一直以為係廣告彩等顏料,斷估唔到係顏色粉塵。令場主嬲爆!!!

 

 

場主表示,上星期日收到同事短訊,就立即返去了解,發現有30至40個高中生係度舉辦印度侯麗節(Holi)活動,而該活動則係由一個社企機構轄下嘅教育組織舉辦。而場主檢查後,發現相機、喇叭、抽風機及冷氣機等電子器材,通通無一幸免。顏色粉塵除咗入電器或有小火花都會引起爆炸危機外,顏色粉塵仲搞到遍佈樓梯及茶水間,入晒地板隙縫及窗簾。於是場主要求學生清潔,其中大概十名學生留低清潔到凌晨一點。埸主亦曾要求學生簽承諾書,承擔五位數字嘅清潔費用以及多日無法出租場的經濟損失等,但被對方拒絕。只賠償咗$2200嘅冷氣機維修費。