有寵物集團前員工喺高登爆料,集團旗下嘅寵物教育學院,竟然訛稱同政府合作開辦課程,但政府部門回覆跟本無呢一件事。

原文係咁寫:

又係我 “Lixx Trxxx” 前員工呀。

之前爆料 Lixx Trxxx 冰山一角嘅衰嘢之後,佢哋喺公司 fanspage 度發左個聲明,話保留誹謗權利喎!我又真係唔係好驚,反正所有野都有人證物證,只係好多都因為尊重受害人私隱及意願所以唔公開,要告嘅話相信大家都唔介意拎晒證據出黎俾法官睇,睇下最後邊個嘥錢又樣衰?若要人不知,除非己莫為呀。

各位有接觸過 LIXX TRXXX 嘅人都知道佢地負責人叫 Diaxx Chxx,佢名下有一間公司叫做 HKIPS,係一間 “聲稱” 有各政府部門認證的寵物業教育學院,陳小姐就係呢間野嘅唯一董事及校長。而呢間野,無論係佢地嘅 website 定係 SELL人報名嘅過程,都標榜學院係懲教署、善導會、僱員再培訓局嘅認證及核實去吸引人報名,以下片段可以睇到 Diaxx 嘅阿哥點樣 SELL 人,仲叫人唔信可以去 CHECK 下喎!好呀,我地依家CHECK埋喇,得埋政府部門嘅回覆,話佢地冇發過認證俾你地喎!

影片:

人地話你公司同佢地無關都冇發過認證俾你地喎。其實咁樣係咪已經犯左法?

呢張係佢地之前嘅單張同網上宣傳,同埋條片入面都睇得好清楚,好標榜同嗰幾個政府部門合作,仲好大個人地嘅認證LOGO喎。

E?但上次爆完一次大獲之後,即刻俾佢地DELETE晒,宣傳上唔再見到有呢D字眼或LOGO!身有屎到咁?但唔知之前已經有幾多人因為你嘅認證而報左名呢?

唔好以為 HKIPS 只係單一事件,由 Diaxx Chxx 負責嘅公司,基本上都有呢D奇怪、誇張又令人氣憤嘅野,我估在狗友界傳得最多佢D搞笑野嘅,都離唔開寵物旅遊公司 Lixx Trxxx 入面發生嘅野,當然我作為員工,睇得最多嘅都係喺呢度發生。以下內容慎入!小心嚇親呢個世界竟然有如此奇人存在。


 

下段新聞繼續講 :

寵物業大騙子前員工例出六大罪狀