有寵物集團前員工喺高登爆料,集團旗下嘅寵物教育學院,竟然訛稱同政府合作開辦課程,但政府部門回覆跟本無呢一件事,最後仲列出咗六大罪狀。

原文係咁寫:

唔好以為 HKIPS 只係單一事件,由 Diaxx Chxx 負責嘅公司,基本上都有呢D奇怪、誇張又令人氣憤嘅野,我估在狗友界傳得最多佢D搞笑野嘅,都離唔開寵物旅遊公司 Lixx Trxxx 入面發生嘅野,當然我作為員工,睇得最多嘅都係喺呢度發生。以下內容慎入!小心嚇親呢個世界竟然有如此奇人存在。

1.) 為做生意咩都做得出,職業及人格操守都冇 

FB同電話永遠唔答問題,一定要人上公司傾,上到去無所不用其極點都要人落左訂先俾人走,搞到好似傳銷公司咁。仲會唔俾錢就鬧人唔鍚隻狗,唔參加或摸到個客唔係好有錢就即黑面,唔再理人唔再答人問題。衰到人人海鮮價,知道人地有錢就當人水魚咁㩒抬高價錢,大家講下佢地之前報俾你個價,分分鐘會見到個差別可以超級大。呢樣各大FORUM都好多人提過,應該對大家黎講唔係新鮮事。大家有咩俾佢地夾過嘅經驗不仿分享下,可能會發現日日新鮮鑊鑊金。

[img]https://upload.cc/i1/2019/03/27/HKhSUJ.jpg[/img]
[img]https://upload.cc/i1/2019/03/27/DeisZU.jpg[/img]
[img]https://upload.cc/i1/2019/03/27/EgwSfz.jpg[/img]
[img]https://upload.cc/i1/2019/03/27/3JjfSo.jpg[/img]
[img]https://upload.cc/i1/2019/03/27/yLdVoB.jpg[/img]
[img]https://upload.cc/i1/2019/03/27/UPnysz.jpg[/img]
[img]https://upload.cc/i1/2019/03/27/4ZH0XC.jpg[/img]
[img]https://upload.cc/i1/2019/03/27/XN0hU3.jpg[/img]

佢有一隻做生招牌嘅狗叫 Kei Kei ,用黎駁客人信任,等人以為佢好有愛心,我仲番緊工時,佢隻狗會放喺公司度瞓,冇風扇冇冷氣空氣唔流通,困喺個籠度成晚,仲話自己鍚狗?試過有其他狗主客在場情況下,用藤條打Kei Kei,喂!瀨尿啫,唔駛咁打隻狗下嘛,我地睇到都覺得好心痛。

買炸雞去皮浸水後俾客人嘅狗食,係就係食唔死狗,但作為鍚狗嘅人,又點會俾炸雞隻狗食?仲要唔係你自己隻狗!人地俾十零廿萬幫襯,呢個價位唔係高級服務都算喇,拎炸雞去皮過水等人睇唔出再俾人地隻狗食??你知唔知入面有幾多調味料同味精?冇錢買靚狗罐頭出聲呀!我地職員都相信狗主寧願俾狗狗食自己帶嘅糧都唔會想食炸雞囉。咁又難怪嘅,你自己隻狗都可以咁樣打法,其他人嘅狗你又點會鍚呀。

每次完左一次行程,都會扣留狗狗嘅出入境文件唔俾番客人,呢D係客人俾左錢嘅服務,文件屬於私人財產,但佢地話係公司資產喎!之前試過有客人出動到律師信先肯俾番人。

2.) 擋我發達者都要死

大家係咪發現佢地公司FB所有comment 都好正面呢?因為公司請左三個IT人,連埋佢自己,每日做嘅野就係開假FB ACCOUNT做打手,凡見不利佢地嘅公開言論、投訴甚至只係疑問,可以delete就delete,然後block人唔俾人再留言,唔可以delete就通通搵打手反駁,或者惡言鬧人,冒求令人覺得係人地中傷佢地,令人覺得佢地先係受害者,然後喺我地職員嘅內部 WhatsApp Group度好似燥狂症咁爆晒粗鬧人,佢地叫呢D做 “打勝仗”。我唔明點解咁得閒做呢D野,點解唔花時間做好D本業嘅野?或者去上一上人格改善課程都可能對公司發展更有幫助。

[img]https://upload.cc/i1/2019/03/27/p61YNF.jpeg[/img]

連只係打算在狗群內招募同好者自組狗狗旅行團嘅普通狗主佢地都唔放過,周圍老作人呃錢,苦口婆心咁打俾D客叫人小心D,喺招募者嘅FB度不停搵打手去攻擊人,想盡一切辦法抹黑人令人搞唔成 。你係咪喺寵物界真係惡到咁呀?連普羅大眾嘅狗主想自己搞個旅行都要搞?

[img]https://upload.cc/i1/2019/03/27/UQPReg.jpg[/img]

[img]https://upload.cc/i1/2019/03/27/782PdZ.jpg[/img]

[img]https://upload.cc/i1/2019/03/27/XVqBsg.jpg[/img]

打手開鬼 ACCOUNT 唱好自己、攻擊其他人:

[img]https://upload.cc/i1/2019/03/27/YH5jfG.jpeg[/img]

[img]https://upload.cc/i1/2019/03/27/AYlv2s.jpeg[/img]

3.) 介紹人有 4% 佣收

大家身邊可能都有朋友同你講如果要帶狗旅行就搵佢佢有介紹,或者不停叫你跟佢上 LIXX TRXXX 聽講座等等,係咪真係咁單純 “好野開心SHARE”?LIXX TRXXX不嬲都會同個別客人講如果佢地介紹人黎幫襯,會有 4% 佣金收。收佣呢樣野有冇問題就見仁見智啦,我淨係知,寵物狗友界,大家都會相信身邊狗主介紹嘅野,好口卑有好野就自然會有人介紹,但原來當呢個 “分享” 同 “介紹”背後係有利益牽涉在內,咁我信唔信呢個 “狗友” 好?

4.) 同日本政府部門好熟??

成日同客講自己同日本動物檢疫所(農林水產省)好熟,可以額外俾錢加快檢疫過程。我聽到真係心裡拍心掌,好野… 咁都俾你講得出,你係咪有單據可以證明你俾過錢做 “加快程序”?農林水產省真係多得你唔少喇。

[img]https://upload.cc/i1/2019/03/27/UejznV.jpg[/img]

5.) 呢行基本知識都冇,勁唔專業

收人幾千蚊做乜鬼 “寵物旅遊咨詢”,試過好多次介紹狗主去埋D地方都根本唔俾狗入!D客番到黎好嬲。所謂嘅 “寵物旅遊咨詢師”,咪就係喺你地間 HKIPX 學校出黎嘅人囉,究竟有幾多人真係親自帶過狗狗去旅行?狗入唔入得都未搞清楚就俾人,如果喺網上搵下資料 CAP 落黎就可以收人 $5888 嘅話,咁你地自己諗下值唔值啦。

私人飛機去第二個國家作入油中途站,狗狗要預先辦理額外簽證,呢個係好基本嘅行業知識,我地其實每一個職員都係冇旅行社經驗,只係估唔到連話自己專業嘅負責人都冇呢個基本知識。喺2018年年尾有一班機因為咁,上左機出埋跑道都要折返落機,狗主們都好唔開心,滿心歡起諗住同狗狗去旅行,結果隻狗要搵人去機場接番屋企,自己繼續冇狗狗嘅人寵旅程,繼續住人寵酒店,行程從新plan過。最慘係狗狗都冇得去,但錢就俾左嘞,早知狗狗去唔到,嗰十皮幾野夠坐民航機去日本勁多次咯,駛鬼坐私人飛機?佢地嘅代言人江美儀當日都在機上,佢FB都有提到呢件事。

[img]https://upload.cc/i1/2019/03/27/xUvKlV.jpg[/img]

6.) Diaxx Chxx有份經營嘅其他公司

HKIPS – 頭先一開始已經講左,虛報認證嘅訓練學院 (有晒書面證據,真係報得警)

Lixx Trxxx – 手法頭先都講到口水乾,當然要爆嘅仲有大把野可以爆

Dog Expxxxx – 因為 Lixx Trxxx 個名已經臭晒,決定開多條Line嘅平價寵物旅遊公司,話就話平左好多,但其實好多野都唔包,最後埋單續樣加上去張單度!

Petxxx Care – 提一提大家,佢地連最基本嘅皮膚問題、天生關節問題全部唔包, 人地藍十字寵物保險都乜都包晒,記住睇清楚保單條款。

Pet Momxxx – 寵物照片拍攝

一路睇住呢間公司同呢個人嘅惡行,點對狗,點對客,點處事,真係睇到火遮眼,我呢D職員仔又唔出得聲,一出聲就俾人問候屋企,以為離左職就冇眼屎乾淨盲?都仲有仲未走嘅同事間中話番俾我知佢地d 惡行,聽到都眼火爆。屈屈埋埋依家終於可以爆出黎,想話俾人知 Diaxx Chxx 呢個人根本就係一個用寵物黎搵錢嘅PK。 除左終於有機會俾我發洩,都係為左狗狗們嘅安全、消費者唔好再俾佢地搵笨,想提醒下狗主們。你地唔信的話當然係你地權利,歡迎自己行埋去試一次,希望 Lixx Trxxx 苦主大聯盟見唔到你。講左都要中個頭埋去的話,只可以希望你自求多褔喇。

 


上一篇:

【網民熱話】寵物業大騙子 狗主要小心 (有片)