講起陳冠希,大家一定會記得佢嘅風流史同埋超火爆嘅脾氣,但喺佢個女出世之後,佢嘅脾氣都有收斂,不過有時侯持平而言,又唔係次次都係佢衰嘅 。好似早前咁,佢帶住2歲嘅女喺日本旅行,咁啱撞隨一位大陸男網紅,而依位「網紅」又不停咁窮追不捨要求合影,令陳冠希發晒脾氣!

話說依位網紅見到迎面而嚟嘅陳冠希,就提出合影要求,陳冠希就笑笑口話自己帶住小朋友唔方便影相,仲講咗句唔好意思。但男網紅又再講多一句,話只係想單獨合影。令陳冠希已經嬲嬲哋講:「剛跟你講了什麼?聽到我講話了嗎?」但男網紅勁挑釁,係咁話:「陳冠希老師罵人了,看到了嗎?」

其後陳冠希發現男網紅係度直播緊,令佢感到勁不爽,叫男網紅唔好再咁做。但點知男網紅勁仆街玩跟蹤偷拍!後來再畀陳冠希發現,正式搞到陳冠希喺街上暴走,男網紅話自己直播有十萬人睇,而陳冠希就嬲爆話「10萬?我的微博有3000萬,你想怎麼樣?」、「我跟我的小孩子的時候,你不要搞我!你這10萬、20萬人,我現在跟你講,你下次見到我跟我的小孩子,你不要搞我!」而男網紅仲話陳冠希踢佢,不過陳冠希當時亦即時否認。

而網民都勁嬲所謂網紅所為,並指陳冠希一開始態度勁好,反而係男網紅處處挑釁,而且明星都會想保護自己小朋友。

片:https://youtu.be/4mC11bYjqPM