G.E.M.(鄧紫棋)上個月月尾畀經理人公司-蜂鳥,入稟高等法院向GEM民事索償,並要求法庭裁定佢哋嘅合約有效期繼續至2022年。但事情峰迴路轉,GEM喺4號反告返蜂鳥及蜂鳥CEO張丹,話2014年嘅時間係被逼同佢續約,要求法庭宣布合約無效或最遲今年3月已經完結,並要求將佢創作嘅歌同歌詞嘅版權轉返畀佢名下。

GEM指,當時所謂嘅續約係經理人對佢有不合理咁施壓,強逼簽下嘅,而當時經理人公司亦喺哄佢簽約時,將佢嘅曲詞作品版權之問題上作出故意嘅誤導,而有關合約亦應完結。

圖右為張丹。

而GEM亦控告蜂鳥要佢從事不合法活動,並係約滿後仲逼佢為依間公司工作,另外亦私自將佢嘅收入轉予第三者,搞到佢好多時都要自己畀宣傳費,好似2017至2018年舉行嘅「G.E.M. Queen of Hearts世界巡迴演唱會」,就已經畀咗480多萬港元,但係就連歌酬都冇畀佢。另外蜂鳥亦私自註冊咗鄧紫棋同埋GEM依兩個名,更轉埋GEM社交媒體嘅Password密碼。

雖然GEM就曾受盡香港人所討厭,但係今次依單野大家都對事不對人,眼見張丹份人咁___街,好似當年Soler最後寧願破產都唔還錢比佢就知,所以多數人都幫GEM講返句公道說話喇!