如果突然同你講你親生父母係另有其人,你會點呢?一名係非洲贊比亞擔任醫院助產士嘅女護士,證實患上癌症末期,不久於世。臨死前就想同社會「懺悔」,佢坦誠表示,因為自己36年前「貪玩」,所以喺1983至1995年間,即連續12年將產房嘅新生嬰兒掉包,總數約為5000個。

依位叫Elizabeth Mwewa嘅女人,係首都盧薩卡贊比亞大學教學醫院(UTH)任職時,貪玩特登將嬰兒掉包,後來演變成習慣,搞到5000個嬰兒的命運被改寫。而多年嚟,亦曾有多對父母帶孩子驗DNA後發現基因不脗合導致離婚收埸。

而佢宜家患上癌症末期,佢認為可能係上帝畀佢嘅最後一次機會,所以佢想係臨死前懺悔,求上帝寬恕,並向受影響嘅人道歉。

非洲網民感到非常憤怒,表示臨死就唔洗負任何刑責,依種滔天大罪活該下地獄!但亦有人質疑疑點甚多,而且當局喺當地護士註冊議會查證後,並無Elizabeth Mwewa嘅註冊紀錄,但30幾年前嘅非洲係咪每個護士都有註冊到呢?相信仲要一段時間查證。

source:stheadline