賭王何鴻燊四房的24歲仔何猷君,一直以嚟都係高富帥的最佳標準,不但靚仔又係富二代,連事業以及學業都有非常好嘅成績,難怪多年嚟女伴不斷,而佢有私生仔「被父親」嘅新聞亦甚囂塵上。搞到好介意「被父親」嘅何猷君日前就喺Instagram發文指,要畀造遙者一個賺錢機會。

何猷君表示,咁多年以嚟「被父親」係件好荒唐嘅事,所以畀造遙者一個賺錢機會。於是佢特登註冊咗個郵箱,如果有佢親生仔嘅「消息」,就請透過email聯絡。如果搵到佢親生小朋友,佢媽咪一定會好開心有得抱孫,所以佢會自費安排做DNA鑑定,報告如果顯示係事實,就會由佢親自送上一個億。但如果失敗,就請造遙者將DNA檢驗費用嘅同等金額捐去畀慈善機構。

早前有新聞傳出指,何猷君同超模女友奚夢瑤從法國齊齊返香港時,因為頭等艙爆滿,兩人分開坐嘅時候,佢親口同空姐講女友已懷孕數月,因為冇胃口,所以嚟督促女友吃飯。不過有關傳聞畀何猷君否認。