近日「安心事件」不斷發酵,惹嚟全城討論,花生食到一地都係。而有巴打就係連登討論區為食緊花生嘅大家給予最啱用嘅「安心提示」,希望大家唔好好似安仔咁動真感情。巴打更以3大範疇去講黃心穎嘅特徵。並總結話依種女人一生最愛只會係自己,因為如果當佢愛死一個人,佢就會覺得自己冇晒吸引力。

巴打話,黃心穎依d女人首先喺外貌上,都係有幾分姿色,雖然並非女神級數,但作為男人嚟講,都係有得食就會食果啲。其次喺能力上,依種女人其實好醒目, 好識利用人際關係,但工作能力上絕對唔係高,亦因此造就佢哋覺得勾搭男人就係最有成功感嘅事情。

而最後喺行為上,佢哋從小已經會Flirt無女朋友嘅男人,嚟維持自己好多人追依個感覺、依種吸引力。但係無女朋友嘅男人實在太無挑戰,單身男人好多時好快已經會暈晒浪。到長大後,就會轉向有婦之夫埋手。而通常有家室嘅男人都會比較避忌小小,部分仲係好愛老婆,會嘗試避開依種女人。但偏偏黃心穎依種 女人反而會感到充滿挑戰性。

以許志安依個case為例,黃心穎覺得難度高愈刺激。而黃心穎亦都唔係小粉絲想食偶像,而係因為佢係香港天后Sammi老公,係香港擁有最強地位、叫座力,而且安仔亦係出名愛老婆,兩人經歷多年風風雨雨。依個背景令黃心穎有好強嘅挑戰心,而且佢哋兩個玩到安仔朋友全部都知,剩係得佢老婆Sammi唔知,就更能帶到勝利同埋成功感比佢。

source:lihkg