生暗瘡依種事相信幾乎人人都試過,但有冇諗過擠一粒暗瘡都可以搞到入深切治療部?喺江蘇就有一位嵇女士之前係嘴唇上方生咗一粒米咁大嘅暗瘡,佢隨手擠咗之後發現患部越來越紅腫外,連左邊面都腫埋,後來更加腫到左眼皮都擘唔大,並開始發高燒。

而女士被緊急送去醫院後,護士長發現佢已經燒到40度,並陷入昏迷,大小便失禁,而呼吸和心跳率都比正常快咗好多,情況危急。經醫生檢查之後,發現腦部有異常反應,加上肺部發炎,胸腔內亦有少量積水。後來確診係感染造成的海綿狀靜脈竇炎。

醫生呼籲臉上嘅危險三角區血液非常豐富,一旦受感染好有可能上行到顱內,引起起腦膜炎、海綿狀靜脈竇炎等。如果該位置生暗瘡請唔好擠或用暗瘡針自己冶理。應該搽暗瘡膏或求醫。