范冰冰之前捲入逃稅風波之後,演藝事業全面暫停。佢前日(22日)終於現身出席愛奇藝9周年答謝晚宴行紅地氈,正式宣布全面復出娛樂圈。

范冰冰上年6月被爆出逃稅,消失成百日先公開發表聲明道歉,之後被宣判補交返8.8億人民幣先可以無刑事責任。呢個風波令佢暫別演藝事業,有傳佢成百個代言無哂,不過佢就無咩回應。

好耐無蒲頭嘅范冰冰終於現身,出席「愛奇藝9週年慶典」,係2019年第一次公開露面。佢著住粉紅色西裝外套襯黑色闊腳長褲,打扮型格咁出席活動。佢全程保持住微笑。

佢除咗公開現身,仲接咗美國荷里活動作電影《355》。

睇嚟呢個逃稅風波終於暫告一段落喇!

Source: [email protected]_fan