早前有人投稿去FB西客之道,表示喺一班由日本返港的航班上遇到一名「想直接一腳伸佢落機嘅港女」。因為依名港女預先訂咗飛機餐嘅海鮮餐,而依位中服務員表示佢「完全感受到港女對海鮮餐興奮」。

 

其後,佢就港女送上餐點-白汁煎魚配蔬菜。點知畀港女投訴,投訴:「呢個咁都叫海鮮餐?點食?」「有冇搞錯,日本返香港嘅海鮮餐點都有返啲質素呀嘛?!無刺身,最少都要有蝦蟹墨魚,就咁畀嚿魚敷衍我!你哋航空公司點做嘢?」

港女亦要求轉換返做一般餐,惟機上已無任何剩下嘅餐點,所畀唔到佢,事後,港女又再要求要雪糕,但事主解釋因為海鮮餐有自己嘅甜品,而雪糕只派發畀一般餐客人,港女勁唔滿意,於是要求向上司投訴,其上司出面,向女乘客解釋無法安排,「一句話冇就冇,幾咁大快人心」。

 

唔少網民都恥笑表示,「個港女以為自己坐緊頭等」;「唔通佢以為海鮮餐係海膽三文魚籽雜錦刺身船」、「想用蔗渣價錢享受燒鵝服務,食懵佢啊?」