杜汶澤今日又係 Facebook 開 PO 回應程美段欠薪事件,佢認為程美段咁做係篤佢背脊,毫無道義可言,而且從來沒有承諾出糧時間,仲話娛樂圈呢一行,三個月雖然不算早,但在行業當中,絕對不算遲。另外,杜汶澤又力撑總經理黎先生(豪仔),話豪仔多年盡忠職守,上刀山落油鑊,絕對唔會因為此蚊型疏忽,而對佢有任何不滿!

程美段見到回應後就 PO 咗佢同豪仔嘅 whatsapp 對話,從文字及錄音均清礎顯示豪仔應承人拍完一個星期就出糧,confirm咗出糧時間及人工,程美段才應承接拍呢個job!

 

程美段回應全文:

就今日杜汶澤先生再發文一事,當中有提到「從來沒有承諾出糧時間」一句,直接關係到我。因為呢個說法,最後推論都係返到去我搏見報,所以雖然一直有錄音做証,但都唔想事件再發酵而拎出嚟,但宜家杜先生一口咬定「從來沒有承諾」,我選擇公開錄音,至少還自己一個公道。

錄音請點擊短片。

————-我又是分隔線————-

我入行資歷雖淺,但每次做JOB都盡量與人為善,每一次傾好嘅Payment,我都按時跟進,無論大眾認為我平時作風如何,評價如何,形象同行內操守我都盡量配合,因為呢個行頭我深明「山水有相逢」,所以好多人成日傾Job都會話「遲吓大把合作」,我都樂意相信,價錢合理便可,好來亦想好去。

大家見杜生文章,亦見豪仔算係LateShow開山功臣,二號人物。由豪仔口頭承諾「一星期」到最後萬水千山完成Payment「三個月」,二號人物都忙碌到對我十日內只得一個訊息回覆,一間公司到底邊個簽名同幾時出票,最後決定嘅人會係邊個?基於呢幾個疑問,我選擇唔直接搵杜生。

至於「唔搵杜生而直接搵記者」一事,之前同01記者傾,佢亦有向杜生了解呢件事,而了解後亦都未必會出呢單新聞。最後杜生先喺Facebook向我開炮,蘋果再第一手報導,最後仲訪問埋我前經理人。

事實陳述就係咁,大家想點去理解,我本人唔介意。

上次亦有提到,杜生曾有意簽我成其藝人,但商談後,我都婉拒推卻。要拎一個有意簽我嘅當紅大明星嚟搏上報,呢個邏輯我實在唔可以理解。而且杜生喺連登一向有唔少粉絲,孔子同亞里士多德都曾經講過,「誰大誰惡誰正確」,為咗上一次報紙,我需要大費週章到呢個地步?本來揮筆一簽就可以做到嘅事,我點解要冒險同網民為敵?

記者就好似藝人一樣,有好亦有壞;
記者藝人一向唇亡齒寒,並唔係大明星搵記者就合理,我哋呢亭奀星搵記者就十惡不赦,于理不合。

杜生自比「威風八面」,而我都只求「自食其力」,
是是非非,我唔介意辯白,但只要再有新嘅指控,我亦隨時恭候。

抱歉照舊不再私下回應任何媒體,亦無意用Page呃like,只用此戶口作回應平台,不便之處,多多包涵。

 


杜汶澤回應全文:

其於網上有部份人士對於本人處理程美段小姐的出糧問題依然非常不滿,本人覺得莫名其妙,就於此事作出以下回應:

事實上本公司員工已經在記者向我投訴之前將薪酬付予程小姐,正所謂錢都俾咗,我不明白大家還有什麼不滿。

本人主要對程小姐的不滿,主要是針對其在有問題時選擇在未聯絡我之前,將事件向傳媒透露而不是找資方(即本人),可能本人比較傳統,很討厭篤背脊而不是打心口。本人認為此舉毫無道義可言,所以提醒其他同業小心此人。不滿者形容此舉為「封殺」,看來你們對封殺這兩個字,極其不了解,如有任何疑惑,可向專家請教,亦即係我。

有部份人士誣蔑本公司員工偽造文件,此乃嚴重指控,奉勸大家使用電腦時請誠實,如有證有據,可報警求助。本人相信公司員工雖然不能說是完美,但絕對不會做出非法行為。

本公司與程小姐在合作期間,從來沒有承諾出糧時間,可能娛樂圈以外的人士,並不了解我們行業出糧時間的習慣及運作,唔撚識又招鳩積。而所有為本公司工作的主持人,從來沒有一個對本公司的出糧時間有意見,合作亦相當愉快,只有程美段一個人,對此有意見,並且主動向傳媒篤灰。我可以負責任的說,三個月雖然不算早,但在行業當中,絕對不算遲。

網上亦有人呼籲本人將總經理黎先生解雇,我可以告訴你們,黎先生為我工作多年,一直盡忠職守,忠誠可靠,上刀山落油鑊,本人絕對不會因為此蚊型疏忽,而對他有任何不滿!

本人對於網上一些不滿此事人士所作出之干擾,非常反感,如你們認為此舉可以摧毁本人,你班假波撚,未免太看得起自己,本人四面受敵八面威風,從來不會輕易屈服!我要回應的亦再沒有補充!

簡單啲講,我從來唔搞事,但係亦從來唔怕事!一得閒就眼瞓,一嘈交就精神,你繼續吹吖!


程美段欠薪事件懶人包:

1月20號,豪仔喺 whatsapp 同程美段 confirm 拍攝時間、人工、出糧日期,程美段應承接拍

1月22號,程美段到 LateShow 進行所有集數拍攝

4月 4號 ,程美段 whatspp 豪仔,查詢 $9,000 人工幾時有 (但豪仔已讀不回)

4月 6號, 程美段再追問一次豪仔(豪仔維持已讀不回)

4月10號,豪仔終於回覆,今日會開票俾程美段,問佢抬頭寫咩,程美段即時回覆

4月14日,程美段未見出糧,離開香港前再問一次豪仔,但又係已讀不回

4月24號,LateShow 終於出糧俾程美段 (豪仔無通知,程美段亦無check)

4月26號,程美段以為仲未出糧,就同記者講做 LateShow 筆錢仲未收到

4月27號,記者向杜文澤查詢拖糧一事,佢即時向豪仔了解成件事,佢睇到收據以為4號已經入數,但原來收據上24號嘅2字印唔清楚,所以佢同記者解釋 4號已出糧。杜文澤當日嬲到爆,一日內連開兩PO串爆程美段搏見報,未出糧唔揾佢先,而係去揾記者,又叫同行小心佢。程美段見到程美段回應,夜晚亦發長文及cap圖解釋。

4月28號,網民原先係幫杜文澤,覺得程美段明顯搏見報,但睇完程美段27/4 晚嘅回應,覺得程美段好慘,賣肉錢都拖數,追數又已讀不回,同記者講下,杜文澤又公開叫行家小心呢個人,咁大個人仲要恰個小妹妹。

4月29號,網民愈鬧愈激烈,愈來愈多網民在杜文澤留過言嘅 Facebook Page 上指罵,有網民發起取消訂閱行動,下午杜汶澤第三次回應拖糧事件。程美段po whatsapp 對話反擊,證明真係拖糧。


相關新聞:


【杜汶澤花生騷】程美段開PO反擊阿澤拖糧三個月


【杜汶澤新女進化史】 女神程美段就是這樣練成的