坐擁約340億身家兼身為李嘉誠之子嘅李澤楷(Richard)一直都係全港最著名嘅鑽可王老五之一,雖然身邊靚女絡繹不絕,不過對感情事向來低調嘅佢,幾乎未曾與歷任女友一齊出席公開活動。就連當年同梁洛施嘅一段情,佢都只係喺梁洛施生產後先至公開。但當李澤楷對住喺馬鞍山成長、本地大學出身嘅鄰家女孩郭嘉文時,就一反常態。除咗企定界傳媒任影,更同傳媒講出「We are fine.」力證女友地位!

兩人拍拖三年,經常被影到孖住一齊周遊列國,不過依對情侶依然大方。而身為小小超嘅女人,早前李澤楷更送出過億豪宅畀郭嘉文,加上郭未見常有大台工作仍然時常出入高級地方、遊艇,引證佢嘅地位當然超然。

不過睇返早兩日兩人襯晒情侶裝咁出席活動,可見低調之中嘅高調。而兩人打扮中最值得留意嘅係郭嘉文嘅手袋,手袋係唔少女人心目中都係代表住身份象徵,亦係裝扮之中最畫龍點睛之處。但郭嘉文嘅手袋並唔係貴婦最愛Hermès、亦唔係經典Chanel或者Dior,而係美國平民品牌Kate Spade!

郭嘉文拎Kate Spade出席都唔在講,而且佢所拎嘅款式係喺2014年就已經推出,原價都只係378美金,大概3000蚊左右。可見即使貴為小小超女友,都冇因此而揮霍,再睇埋佢Instagram,貼地就如一般香港女生,唔曬命亦唔勁買奢侈品,佢依種脫俗,難怪得到自幼含住金鎖匙出世嘅小小超垂青。