湯洛雯(靚湯)今日32歲生日,幾個好姊妹當然有同佢慶祝啦!靚湯喺Instagram 上載咗同朱千雪、岑杏賢、楊秀惠慶祝生日嘅相,而且每個人都有單獨嘅合照,同岑杏賢、楊秀惠嘅合照都非常正常同靚,唯獨係同朱千雪嗰張特別醜,朱千雪反哂白眼擘大口咁食蛋糕,女神形象崩壞喇!有網民就話靚湯張相係咪要公開處決朱千雪,不過有好多網民力撐朱千雪呢啲搞鬼樣都好靚!

靚湯32歲生日,好姊妹送花同蛋糕俾佢!

同岑杏賢、楊秀惠嘅合照都顯得大家好靚!

 

唯獨同千雪bb 嘅合照係咁樣⋯⋯

雖然睇得出網民朱千雪花好淡妝,仲要配一個咁嘅表情,但唔少網民都覺得朱千雪咁樣仲好靚!

不過佢哋兩個其實真係好friend,點會真係特登post 佢個醜樣處決佢⋯⋯睇下佢哋啲對話就知佢哋老友鬼鬼!

朱千雪用英文留言話:「每個人都有靚嘅合照,但你同我影嘅嗰張相⋯⋯我無嘢講。」

靚湯嘅解釋係佢覺得朱千雪咁嘅樣最可愛!

不過唔洗鬥喇,其實都有好多網民話兩個都好靚!

Source: Lihkg,[email protected]