喺貴州貴陽一名20歲嘅李小姐,係上個月於婦產科看診嘅時候,突然向醫生下跪,聲淚俱下咁跪求醫生幫佢進行人工流產,並強調自己冇晒錢,而且「經手人」亦已拋棄佢。而且今次亦已經係佢第4次有咗,而以前都係喺同一間醫院接受手術。

醫生見到佢看似咁慘,都應承咗唔收錢幫佢做人流手術。而當時李小姐仲係鏡頭面前表示,佢已經成年並強調自己可以承擔所有嘅責任。點知喺成功完成人工流產後,李小姐突然闖進醫生辦公室,發晒爛咋,要求醫生借錢俾佢做生活費。但醫生表示,免費幫佢做手術已經係例外,唔會再借錢畀李小姐。

 

點知李小姐一聽到即刻發晒癲,留喺醫生Office賴死唔走。並且表示,如果唔係醫生幫佢做人工流產就唔會搞成今日咁!佢此舉令醫生聽到心都寒埋,醫生指出佢都係做好人點知搞成咁!

但少女依然賴死唔走,於是醫院報警。喺等警察嚟嘅時候,突然拎出生果刀指嚇醫生亦恐嚇醫生指:「會日日等你(醫生)放工日,陪你怎麼玩!」佢咁講令眾人極度不安,但當警察嚟到都只係送咗個女仔並無任何跟進,令眾人嘩然。

事後,事件傳至香港,唔少本港網民都覺得太過荒謬,亦都正正就係因為依d事,令大陸冇人敢做好人。而且借唔到錢就持刀恐嚇公然勒索,但最後突然係輕易送走,令一眾網民更加擔心醫生嘅人生安全。