最近賭王四房喜事重重,琴晚24歲孻仔何猷君喺上海包起四太旗下嘅商埸,同30歲大陸超模奚夢瑤求婚!猷君著住黑色背心化身謝霆峰大唱《活著viva》,將成個求婚一秒變做騷之後,就換咗成身白色西裝,單膝跪地咁向戴住小皇冠嘅奚夢瑤求婚,睇到網民羨慕到嘩嘩聲!

早前曾傳出奚夢瑤大肚疑雲,但畀猷君強烈否認,不過今日奚夢瑤現身唔少人都發現佢肚突突疑似有喜!事實係點可能就要幾個月後先知啦!不過依家肯定嘅係奚夢瑤已經一口應承咗猷君嘅求婚!

話說猷君喺四太梁安琪名下的商場物業尚嘉中心,搵埋wedding planner作統籌,再邀請雙方家長同埋親友見證,受邀請嘅朋友過百人,仲有唔少明星好友到場撐場!而選址依個商埸都有意思!因為猷君前年曾喺依個商場嘅LED外牆以巨型心心向奚夢瑤示愛,將戀情公告天下。