唔少父母當面對住仔女逐漸成長時,都會有困惑嘅時候,覺得唔知點教好。就算係西方國家嘅家長都一樣唔例外。美國一對父母撞破自己嘅15歲仔喺房「打飛機」後,竟然選擇喺房同廁所都裝晒CCTV以防止個仔「重犯」。搞到個仔感到私隱盡失向網民求救並尋求法律意見告父母。

 

一名來自美國阿拉斯加嘅15歲少年,日前喺當地討論區「Reddit」出post指,佢早前喺房入面自慰,點知畀冇敲門嘅爸爸撞破…場面尷尬癌之後,父母選擇同佢「溝通」,同佢講唔可以「打飛機」。

 

少年再補充指,佢父母嘅性格非常保守,除咗理由當然地反對婚前性行為之外,亦阻止佢參加任何學校舉辦嘅性教育課程…而佢「打飛機」嘅行為令父母感到異常「震驚」同「失望」。所以父母決定…網購2部cctv鏡頭,一部安裝喺個仔間房、一部安裝係浴室。並由父親每日檢查「活動內容」,以確定他不敢自慰。

 

15歲仔就緊係強烈反對,亦都嬲嬲豬啦,佢表示:「我已經15歲了,我有權觸摸自己的身體。令我非常尷尬,完全侵犯了我的隱私。」但佢嘅父親就話:「你答應我不會再自慰,這是為了讓你遵守承諾。」

 

事件就令唔少美國網民大食花生,大多數人都話父母行為好過分。有人話自慰係一件好平常不過嘅事情,每個人都有慾望,完全不需要羞恥。

source:晴報